الكتب المطلوبة ..

السلام عليكم ..

كيف حالكم جميعا D: ؟! 

في هذا الموضوع حتلاقوا الكتب الضرورية للسنة الأولى ..

انا عن نفسي اشوف هذي الكتب اهم شي تشتريها والباقي ماله داعي .. لان في بعض المواد تذاكروا من السلايدات .. والسلايدات ارتب من الكتاب واسهل في المذاكرة..

اول كتاب هو : Calculus :

هذا الكتاب حيكون لرياضيات 202 و 203 .. مهم جدا تشترينه .. والاهم انك تروحي المكتبة وتشتريه من بدري لانه يخلص سريع .. انا عشان مارحت اشتريته من بدري اظطريت اقعد اسبوعين بدون كتاب .. وطفشت وانا اكتب كل شي من السبورة..اللمن بالصدفه صحبتي لقيته في مكتبة ولقيت فقط اثنين واشترت لي معاها..وفي بعض البنات اظطروا يطبعوا الكتاب من الموقع وبعضهم اشتروا طبعه غير .. ف احسن اشتروه من بدري ..

اسمه : Calculus – James Stewart – 6E

ثاني كتاب : Physics :

هذا الكتاب كان معايا من السنة التحضيري .. وكنت مستخسره اني اشتريته لكن حمدلله احتجته في الهندسة ..

حتاخذوا منه عشره شباتر ..

اسمه:  Fundamentals of physics – Jeral walker – 8E

ثالث كتاب : Engineering designe :

هذي كتب التصميم .. هما كتابين غلسين مليانين كلام .. برضه لازم تشتروهم من بدري لانهم يخلصوا سريع .. و لو لقيتوا ان الكتاب الاحمر خلص و جاء صاحب المكتبه يتفلحن ويقول فيه نسخه جديد نفسه و لونه ازرق .. لحد يشتريه لانه مو نفس الاحمر فيه مواضيع مختلفة وترتيبه مختلف ..

كتاب العربي و الثقافة:

تلاقيهم في أي مكان في مكتبة جرير في  خوارزم الجامعة ..

 

هذي الكتب اللي استفدت منها واشتريتها غيرها لا.. فيه كتاب الاقتصاد بعض البنات اشتروه و ذاكروا منه لكن انا عن نفسي كنت اذاكر من السلايدات ولا كان يخرج منها..

ونصيحة كتاب الماتلاب لاتخسري نفسك وتشتريه .. فيه بنات بس اشتروه ع الفاضي .. لانه في الاخير ذاكرنا من السلايدات ..

ونراكم على خير ♥ ..