في هاذي التدوينة راح اشرحلكم معمل الكيمياء الي هو معمل مادة الكيمياء الي درستوها في التحضيري
المااادة جدا سسههههلة و تاخذي فيها A+ بالرااااحة و غير كذا جدا ممتع و فيها حماس وتخلطي اشياء ع بعض و شي جميل يعني =)
طببعا زي ماذكرتلكم في نبذة الترم الثاني انه المادة مقسومة قسمين , قسم الاحماض والقواعد باختباره النظري والعملي
وهاذي ملزمته
http://www.gulfup.com/?J4iwrN
في هذا الجزء يركزوا في الاختبار النظري على :
1- الوان التفاعلات و اسمائها بالرموز و الاسم الكامل
2-النواتج من التفاعلات
3-المعادلات فقط كانت الاساسية الي هي تكون معادلات التكوين اما معادلات الـ Confirmatory Testsمو معانا
4-اعداد التكافؤ مهمة مرة في رموز العنصر
5- في شي اسمه Flame test هذا جدا مهم تركزوا على الالوان الي تنتج جا عليه سوال كامل بفقرات
عموما كان الاختبار اختياري والشي الي الحلو انه مو لكل سوال خيارات لا , لكل اربعه اسئلة اربعه خيارات يعني لو حليتي ثلاثة و الرابع ماعرفتيه اصلا حيكون باقي بس خيار واحد ف حتختاريه ^_^
لازم تكتبي من اول قروب , يعني لو مثلا العنصر الي طلع لك بعد الاختبار الي سويتيه في المجموعه الخامسة ما تنطي و تكتبي على طول الخامسة لا ! لازم تكتبي انه من الاولى والثانية والثالثة والرابعه ما اداكي شي -ve , اذا مافهمتوا راح تشرحلكم الدكتورة هاذي النقطة اكيد واذا ماشرحت او نسيت اسالوها اوكي =)
..
بالنسبة للجزء الثاني هو عبارة عن اربعة تجارب سهله و حلوة و يعتبر اسهل من الجزء الاول لان العملي حقه كانت تجربة وحدة فقط لان الباقي ماكانت متوفرة اجهزتها لكن في النظري داخلة كل الاربع تجارب
التجربة الي جات في العملي هي تجربة ( Acid-Base Titration ) سهلة و بسيطة و طلبو مننا فقط 3 قراءات لكن لازم تركزوا و تقتصدوا في الكمية الي راح يدوكم هيا عشان ماراح يدوكم ثاني .
بالنسبة للجزء النظري لهاذي الجزئية لازم تركزوا على الاشكال حقت معادلة الاسبرين و كمان العمليات الحسابية جدا مهمة .
واخيرا هذا موقع د.أمل باصالح منسقة المادة ( http://abasaleh.kau.edu.sa/Default.aspx?Site_ID=0004369&lng=AR )