الشي اللي ما كنت احبه انهم كانوا يرسلوا لنا السلايدات بعد ماتخلص المحاضرة ..واحنا كنا نبغاها في المحاضرة عشان نكتب ملاحظاتنا الاسئلة المهمة .. لذا بحط لكم السلايدات هنا , ممكن تستفيدوا منها :
نصيحة : ذاكروا منها حلوها مهمة جدا..الاختبار كان فيه افكار تشبه للاسايمنت مرره ..
وهذي روابط مراجعات برضه مهمة مره وجا في الاختبار كثير اشياء منها او افكار تشبه لها .. اعطتنا المراجعة استاذة تانيا وقالت اي شي تحتاجوه او مو عارفين تحلوه تعالوا واشرح لكم .. يعني اللي مو فاهم فيها شي يقدر يسال استاذة تانيا عنها :
صراحة كلنا في البداية حسنا في مفهوم الاوبجكت والكلاس لكن دورنا مصادر نفهم منها والحمدلله لقينا وفهمنا .. وهذا اول مصدر قناة عبدالله و دانيل في اليوتيوب :
هذي قناتين كانت جدا مفيدة في الجافا .. ولو دورتي في اليوتيوب حتلاقي اشياء كثيرة تفيدك في الجافا..
ان شاء الله ما اكون نسيت ولا حاجة واكون غطيت كل مايتعلق بمادة الجافا .. زي ما قلت لك تبغي تنبسطي وتكوني ممشية في المادة وتجيبي درجات حلوة ذاكري اول باول لاتراكمي اهم شي افهمي مفهوم الاوبجكت والكلاس حلي كثير براكتس وتصير المادة اسهل منها مافي ..