الأقتصاد الهندسي (IE 255)

السلام عليكم ورحمة الله ♥

أسعد الله أوقاتكم بكل خير 🙂

اعتذر على هذي التدوينة المتأخرة لاحدى مواد السنة الأولى (عامة) .. لاني جدا كنت مضغوطة ..

عموما ان شاء الله احط لكم كل مايفيدكم في هذي المادة..

اولا هذي المادة كانت عقدة لكل دفعتنا .. درستنا فيها استاذة تانيا تسمين و شكلها تورطت بالمادة .. صراحة ما كنا نفهم معاها ولا  حاجة .. جدا تورطنا وتعبنا في هذي المادة .. مشينا المادة اي كلام حاولنا نفهم بعض ونفهم من ملخصات للاستاذ محمد الحركان لأنه هو اللي كان ماسك الاولاد فكنا ندخل موقعه وناخذ ملخصاته ونحاول نفهم منها …وفوق هذي البهذلة غيروا لنا الاستاذة قبل الفاينل بحكم انه لازم دكاترة اللي يدرسوا وخلوا بروفيسور بكستاني يمسكنا وبعدها صار ينطبق علينا مثل ( من جرف لدحديرة) زاد الضياع .. باختصار ارحم لكم تمسكم دكتورة مروة (صحبة الدكتورة صفاء عسكر)..

على ما اتذكر في الاسبوع ثلاثة محاضرات .. محاضرتين تاخذوا فيها دروس ومحاضرة تتوريال تحلوا اسئلة ..

الكتاب مافي احد مننا اشتراه كنا معتمدين على النسخة الالكترونية والسلايدات..

هذا رابط للكتاب :

EngineeringEconomy+txtbk

وهذا رابط فيه حل اسئلة الكتاب اللي هيا اساسا الواجب :

sol-of book

رابط للسلايدات حقتنا ممكن تستفيدوا منها ( بس سلايدات شابتر 8 و 9 مفقودة من جهازي للأسف):

The slides

رابط للأسايمنتات (الواجبات) بعضها مع حلولها تلاقوها :

The Assignments

اللحين نجي لأهم شي .. نصيحة من أعماااااق قلبي أنا ندمت اشد الندم لاني سحبت عليها وهيا اسئلة جدا جدا جدا مهمة تعطيكم هي الاستاذة.. اول اختبار ابو التخبيص وكان فيه ثلاثة بنات في دفعتنا ما شاء الله جابوا كامل واحنا كنا مستغربين لان الاختبار صراحة ما كان سهل واللي زاد الطين بله انه مو فاهمين ولاشي .. طبعا بعدين عرفت انهم مسكوا الاسئلة اللي اعطتنا هي الاستاذة وذاكروا منها.. الدوري الثاني قلت محا اكرر الغباء مشيت على السلايدات وذاكرت الواجبات والاسئلة ولله الحمد خرجت من الدوري الثاني مبسوطة وجايبة درجة حلوة .. بعد الاختبار لاحظت انه الاختبار نفس افكار الاسئلة نفس المفهوم فقط الارقام وقصة السوال تتغير والفكرة هيا هيا .. لذا اهم شي ركزوا على الواجبات و الاسئلة .. مهمه مهمه مهمه شوفوني اكرر واعيد لحد يطنشها ..مررره مجموعة كبيرة ومهمة لميجور 1 وميجور 2 وكمان الفاينل..

رابط للاسئلة :

MAJOR 1

MAJOR 2

FINAL EXAM

وهذا رابط لنموذج الدوري الأول حقنا :

Major Exam 1_MODEL_A

وازيدكم من الشعر بيت من كثر ما كان نظام المادة خربطة نهاية الترم طلب استاذ محمد الحركان استاذة تانيا مشاريعنا عشان يصححها راحت قالت له اي مشاريع مافيه قال الا فيه ولازم يسلموه طبعا كان وسط الاختبارات النهائية فرسلت لنا انه لااازم تسووه وعليه خمسة درجات طبعا ابو القهر بعد يومين عندنا فاينل وهذا يبغى مشروع راح قال عشانكم مضغوطين خلاص خلوه خمسه صفحات … سويناه على السريع .. فكرة المشروع انك تبحثي في النت عن مشروعين حقت تجارة وتقارني بينهم من ناحية الدخل السنوي والمصروفات والخساير وهكذا وتقولي مين الافضل بشرط انك تطبقي اللي درستيه في المادة .. و لازم تطبقي البحث على الاكسل عشان تعرفي كيف تستخدمي القوانين..

وهذا نموذج مشروعنا :

The Project

كذا ان شاء الله حطيت لكم كل شي مفيد ومهم في هذي المادة ..

واخيرا :

الله يكتب لكم كل خير ويرزقكم بكل ما تتمنون ..