أهلًا.
.
مواد هذا المستوى نوعًا ما كانت تحتاج لشغل أكثر من قبل، لكن غالبًا حيختلف معاكم تقسيم الدرجات.
.
IE-342 HUMAN FACTORS
.
المادة تعتمد على الاهتمام بالجانب الإنساني كموظف أو عامل، من خلال الاهتمام بجميع العوامل الأخرى اللي من الممكن تأثر عليه.
المصدر الأساسي كان عندنا الكتاب، و المادة فيها لاب و ريبورت بشكل أسبوعي تقريبًا.
هذا كان توزيع الدرجات:
.
نصيحة حافظوا على جميع درجاتكم تكون كويسة بحيث الاختبار ما يأثر كثير عليها، لأن الاختبارات تعتمد على جانب الحفظ بشكل عالي.
.
IE-352 SYSTEM ANSLYSIS AND DESIGN
.
هذي المادة ماكان لها كتاب فبالنسبة للوضع كان ضياع نوعًا ما، لكنها مهمة جدًا و لو ماعندكم كتاب أفضل لكم تقرؤوا عنها بشكل فردي لأنّ حتى بالتدريب و المقابلات كانوا أساسي بيسألوا عنها بالذات.
.
توزيع الدرجات:
.
.
IE-411 OPREATION RESEARCH II
عمليات البحوث غالبًا حتكونوا أخذتوا كورس مبدئي عنه، و عمومًا حلو لكن اختباراته بالنسبة لنا كانت على البلاك بورد فتجي أسئلة مكررة و ممكن بعضها خطأ، لكن الدكتور كان يستقبل أي اعتراض مننا على أي شيء واجهناه.المادة فيها لاب و مهم برضو.
.
توزيع الدرجات للأسف مو متوفر. لكن عمومًا المادة منظمة جدًا وكل شيء من بداية السمستر كان واضح.
.
IE-422 SIMULATION
.
تعتبر من لغات البرمجة، لكن مو بالطريقة المتعودين عليها، مهمة و تعتمد على تدريبك المستمر، لأنو مستحيل ينشرح كل شيء بالتفصيل في المحاضرة. لكن لو رجعتي للدكتورة حتفيدك إن شاء الله.
.
بالنسبة لمشروعكم حاولوا تبدؤوا فيه من بدري، طلعوا الفكرة و جمعوا البيانات عشان لو صادفكم أي عائق لو لا سمح الله تقدروا تغيروا أو تتصرفوا فيه.
.
توزيع الدرجات:
.
IE-431 QUALITY CONTROL
.
هذي المادة من أهم المواد في تخصصك و للأسف ماكان لنا كتاب فيها، لو حابة تتشتغلي فيه وحسيتي مافهمتيه من الدكتور ضروري تبحثي عن كل شيء بنفسك، أنا تدربت بهالقسم واستمتعت جدًا لكن وقت الدراسة ماكانت بعض المفاهيم -بالنسبة لي- واضحة تمامًا.
.
هذي المادة و السستم كانوا عند نفس الدكتور، لكن هذي كانت مره أخف في الشغل.
.
توزيع الدرجات: